Kompania: Sharrcem SH.P.K. – Hani i Elezit
Titulli i vendit të punës: Punë Praktike
Orari i punës: 8 Orë/Ditë
Kohëzgjatja e praktikës: 3 muaj me pagesë, me mundësi të punësimit në kompani pas punës praktike
Punë Praktike
_________________________________________________________________________
Rreth Kompanisë
ompania Sharrcem u themelua në vitin 1936. Në vitin 2010, ajo u bë anëtar i Gruop-it TITAN dhe mbetet furnizuesi kryesor i çimentos në Kosovë. Sharrcem-i ka përmirësuar dukshëm risitë e saj në teknologji për prodhimin e lëndëve të para dhe të çimentos dhe ka filluar zbatimin e standardeve të larta, të integruara në të gjitha nivelet operative. Duke vazhduar angazhimin për të vepruar në bazë të Vlerave të Group-it që nga viti 2010, qëndrueshmëria mbetet një nga komponentët më të rëndësishme të Sharrcem-it, dhe mënyrës se si operon në treg.
Kompania Sharrcem SH.P.K. – Hani i Elezit ofron mundësi për punë praktike për dhjetë (10) praktikantë. Aplikuesit duhet të jenë nga komuna e Hanit të Elezit, Kaçanikut, Vitisë apo Gjilanit.
Pozitat e hapura për punë praktike janë listuar më poshtë:
- Inxhinier Mekanikë
- Inxhinier Elektrikë
- Inxhinier Elektronikë/Automatizim
- Kimist
- Inxhinier i Procesit/Kimik (të prodhimit)
- Inxhinier i Ambientit
- Inxhinier i Minierave
- Arkitekturë
- Inxhinier i ndërtimit
Puna praktike ofrohet në kuadër të bashkëpunimit të Programit ‘’Trajnim në Punë’’.
Rreth Programit “Trajnim në Punë’’
Programi ‘’Trajnim në Punë’’ ka për qëllim punësimin e të rinjve dhe ofrimin e zhvillimit të shkathtësive tek të rinjt. Ky program është financuar nga ‘’Fuqizimi i Sektorit Privat’’ (Empower Private Sector) nga Populli Amerikan përmes Agjencisë së Shteteve të Bashkuara për Zhvillim Ndërkombëtar (USAID) dhe Agjencisë Suedeze për Zhvillim Ndërkombëtar (SIDA), si dhe zbatuar nga Klubi i Prodhuesve të Kosovës (KPK).
Kandidatët duhet të jenë:
- Të moshës ndërmjet 18 dhe 35 vjeç;
- Të papunë (të dëshmohet përmes regjistrimit në qendrat e punësimit);
- Qytetarë me vendbanim në komunën e Hanit te Elezit, Kaçanikut, Vitisë apo Gjilanit;
Vendi: Rr. Adem Jashari 280 Hani i Elezit
Kohëzgjatja: • Trajnimi do të jetë me pagesë dhe do te zgjase tre (3) muaj, me mundësi të punësimit në kompani pas punës praktike.
Kushtet e pjesëmarrjes në konkurs: Sharrcem ofron mundësi të barabarta të punësimit për të gjithë shtetasit e Republikës së Kosovës. Kandidatët për pozitat e lartë cekura duhet të dorëzojnë këto dokumente:
Aplikacionin e plotësuar (I obliguar)
CV-në (Opsionale)
Nëse kandidati e kalon me sukses procesin e intervistimit, para se ti bëhet oferta ai/ajo duhet të prezanton këto dokumente:
Vërtetim nga zyra komunale për punësim (dëshmi si i/e papunë)
Çertifikatën e Lindjes (dëshmi e vendëbanimit)
Gjatë vlerësimit të aplikacioneve prioritet do të kenë:
- Të papunët afatgjatë (të papunë të paktën një vit);
- Të papunët pa përvoje pune paraprake;
- Të rinjtë nga familjet pa të hyra mujore (pjesë e skemave sociale) apo me të hyra të ulëta mujore;
- Të rinjtë nga familjet me numër të madh të antarëve;
- Të rinjtë nga zonat rurale.
Si të aplikoni
Për të aplikuar dërgoni me email aplikacionin e plotësuar në e-mail adresën: [email protected], ose në e-mail adresën e Klubit: [email protected] me subjektin: Aplikim për punë praktike. Aplikacionin e plotësuar mund ta dorëzoni edhe personalisht tek kompania në këtë adresë: Rr.”Adem Jashari nr.280”, Hani i Elezit.
Aplikimi është i hapur deri me 30.11.2018, ora 16:00.